Fundación Eomaia | Galego

Toca facer unha avaliación do campamento rural organizado pola nosa Fundación en “O fogar do meu burro”

Podemos afirmar que foi un éxito, posto que era o primeiro, e as nosas expectativas en canto á asistencia , superáronse con moito.

Os obradoiros funcionaron moi ben; os nenos gozaron experimentando coa creatividade nas áreas de plástica, compondo e cantando as súas cancións, e lixando as súas mans no barro, para darlle forma…, exploraron na natureza o coñecemento das plantas mediciñais, colleitándoas e elaborando eles mesmos a súa propia crema.

O de cociña foi outro dos obradoiros máis exitosos; gozaron coas mans na masa, nunca mellor dito, elaborando doces, empadiñas, croquetas, etc

E para rematar, sinalar a actividade e obxectivo máis importante para nós, sobradamente cumprido: os burriños, que foron os protagonistas todos e cada un dos días que durou o campamento; porque son seres vivos marabillosos, tenros e pacíficos que non deixan a ninguén indiferente e menos aos nenos, que viven a natureza dun xeito tan intenso e verdadeiro. Eles cepilláronos, paseáronos, montáronos e sobre todo abrazáronos…, en definitiva , os animais interaccionaron cos nenos, creando un vínculo afectivo moi fermoso e espertando neles un sen fin de emocións, integrándoos plenamente nun medio natural envexable, como é o ambiente rural deste máxico país que é Galicia.

CAMPAMENTO

Onde é?
A 11km de Santiago de Compostela, na aldea de Lamas (Ames) no val da Maía. Dispoñemos dunha pradeira de 4000m2 cunha pequena fraga, ademais dunha casa onde podemos cociñar e comer.

“ O Fogar do meu burro” 
 Lamas (Ames), Val da Maía
 Santiago de Compostela.

Cando?
Do 25 de xuño o 6 de xullo
De luns a venres

En horarios:
1ªopción: de 9h a 14h (+almorzo) – 105€
2ª opción: de 9h a 16h (+almorzo e xantar) – 120€

Preinscricións: do 15 de abril ó 20 de xuño, por orde de recepción.
telfs: 986 113 258
mvil. 690 037 673
fundacioneomaia@gmail.com
+info:
montsesolarte.blogspot.com.es

Contaremos coas seguintes actividades:

Arte e naturaleza: observar disitintos materiais no campo, recollelos e expresarnos por medio deles construíndo esculturas.
Pintura ó aire libre.
Cerámica: desenvolver en barro o que a natureza nos mostra.
Coñecemento das plantas da contorna: e plasmalas en pintura
O noso amigo o burro: Bombón, Pascual e Paloma son os 3 burriños que compartirán contigo moitas experiencias. Aprenderás a querelos, a coidalos, a coñecelos e poderás pasear en carriño polo Val da Maía.
Obradoiro de cociña: cociñaremos  comida tradicional, receitas do mundo. E por suposto,  comerémola!
Música: a música non pode fallar, sairemos á fraga para ver que materiais podemos atopar para construír os nosos instrumentos.
Outras actividades……. Paseos polo roteiro dos muíños, visitar granxas veciñas, moer no muíño e facer fariña, cine…..

¡ pasao ben con nós,
esperámoste!

Monitores:

Tómas Rábanos Muro:
Voluntario e colaborador en Hipoterapia no club de hípica La Lagunita con nenos/as discapacitados.
Formado en Terapia asistida con animais.
Dirixe o centro “O Fogar do meu Burro” e é membro do padroado da Fundación Eomaia, onde leva adiante a súa actividade.
Pedagogo musical, colabora coa Asociación Aspanaes como profesor de estimulación e sensorialidade coa música no Centro de Día de autismo, ademais de dirixir clases de música, psicomotricidade, psicoloxía infantil e dirección coral.
Montse Olarte:
Amplia formación en estudios de arte, cerámica, imaxe e son, pintura encol do vidro, etc.
Onde mais centra a atención é desenvolvendo o seu proxecto de fusión de natureza e arte, dado o seu amor pola vida, o seu carácter observador, coñecementos de plantas e a súa innegable habilidade para todo tipo de artes.