OBXECTIVOS:

Xerais.

O propósito do curso de masaxe infantil é promover a nutrición a través do tacto e da comunicación, fornecendo as ligames afectivas entre os bebés e as súas nais, pais e/ou coidadores-as, avivando a atención ás necesidades dos nenos, favorecendo unha mellor calidade de vida dos novos bebés e das súas nais, pais e/ou coidadores dentro da sociedade na que vivimos.

Específicos.

• Axuda a regular e reforzar as funcións respiratoria, circulatoria e gastrointestinal, solucionando, por medio da estimulación, as incomodidades producidas por cólicos, gases e estreñimento.

• Axúdalle ao neno a relaxarse e alíviao do estrés que lle produce atoparse a cotío con cousas novas.

• Fai máis intensa a comunicación afectiva entre o bebé e as persoas do seu eido.

• Fai máis doada a comunicación non verbal.

• -Estimula o sistema inmunolóxico, favorece un mellor desenvolvemento do sistema nervioso.

ESTRUCTURA E CONTIDOS DO PROGRAMA:

Os nosos cursos son de dez horas repartidas en cinco sesións.

Nun moneco, a educadora de masaxe infantil mostraralle ás nais/pais os movementos da masaxe que eles lle proporcionarán aos seus bebés, comezarán unha experiencia na que se tratarán:

• Teoría e práctica da masaxe.

• Relaxación polo tacto.

• Técnicas específicas para aliviar cólicos, gases, conxestións, estrinximento, etc.

• O neno e o choro.

• Adaptación da masaxe a diferentes idades.

Ademais dos posibles temas que poidan xurdir ao longo da experiencia.

¿A quen vai dirixido?

. á poboación en xeral

os cursos de masaxe infantil están adicados sobre todo o bebé e as persoas do seu eido, nais, pais e coidadores-as. Trátase de recuperar e gozar dos vencellos que nos unen, vivindo con ilusión e maior intensidade o período da primeira infancia.

A monitora proporcionará:

• Carpetas con contido teórico do curso.

• Aceites.

• Música.

• Información en vídeo.

As asistentes:

• O aceite, se ten algunha preferencia.

• Toalla.